Mar 1 | YomNWM | STEP | Thonono Nsamu wu mboti wu Yesu Klisto, Muana Nzambi,

Mark 1

KHUBUKULU YI KISALU KI YESU

Yowani Mbotiki mvuala Nzambi

(Matayi 3.1-12 ; Luka 3.1-6 ; Yowani 1.19-28)

1 Thonono Nsamu wu mboti wu Yesu Klisto, Muana Nzambi, 2 banga busonimina mu nkanda mbikudi Ezayi :

Tala ! Ndiela fidisa mvualꞌama ku ntualꞌaku,
niandi wela kubika nzilꞌaku.
3 Yawu mbembo yi mutu wunyamikina mu dikanga :
Lukubika nzila yi Pfumu,
Luludika minsolo miandi.
4 Yowani wuyiza, wuba botikanga mu dikanga ayi wuba tubanga ti : “Bika lubotama mu diambu di monisa ti lubaludi mavanga ; buna Nzambi wela kululemvukila mu masumu meno.”

5 Batu boso baba mu zunga ki Yuda ayi batubobo baba kalanga ku Yelusalemibaba kuendanga kuidi niandi. Wuba botikanga mu nlangu Yolidani bu baba tambudilanga masumu mawu. 6 Yowani wuba vuatanga minledi mivangulu mu mika mi kamela ^{▼▼Kamela : Phila bulu kidi banga phunda ; kidi ayi khuki kikubuku mu natangabizitu mu dikanga. Kizebi nua nlangu wuwombo-wombo. Tala diaka Matayi 3.4.}. Bosi nsinga kaba nkanganga mu luketo wuvangulu mu nkanda wu bulu. Bidiakaba ndianga : makhoko ayi niosi. 7 Malongi kaba longanga mawu mama :

—Fioti fisiedi malumona mutu wumosi wunkuiza ku manima mama, niandi wudutidi mu lulendo ; ndisi fuana nkutu ko mu yinama mu diambu di nianguna minsinga mi zisapatu ziandi. 8 Minu mu nlangu ndilembo kulubotikila vayi niandi mu pheve Yinlongokela kulubotikila.

Yesu wubotama ayi wutotu.

(Matayi 3.13-17 ; Luka 3.21-22)

9 Mu thangu yina Yesu wuba ku Nazaleti, buala buidi mu Ngalili, wuyiza kuidi Yowani ayi niandi wumbotika mu nlangu Yolidani. 10 Mu thangu kaba totuka mu nlangu, kazimbukulu Diyilu dizibukidi, Pheve Yinlongo yikuluka va niandi banga dibembi. 11 Mbembo yitotuka ku Diyilu, yiwakana :

—Ngeyo widi mwanꞌama wu luzolo ; khini yiwombo wukumbonisanga.

(Matayi 4.1-11 ; Luka 4.1-13)

12 Vana vawu Pheve yituma Yesu mu kuenda ku dikanga. 13 Makumaya ma bilumbu kavuandila kuna ayi kuna Satana kantotila. Wuba mvuandanga ayi bibulu bi nsitu bosi zimbasi ziba kunsadilanga.

KISALU KI YESU KU NGALILI

Yesu wutona longa

(Matayi 4.12-17 ; Luka 4.14-15)

14 Bu bakanga Yowani, Yesu wuyiza ku Ngalili mu longa Nsamu wumboti wu Nzambi. 15 Wuba tubanga ti :

—Thangu yifueni ! Kipfumu ki Nzambi kifikimini. Bika lubalula mavanga ayi luwilukila Nsamu wumboti.

Minlonguki mitheti ni Yesu

(Matayi 4.18-22 ; Luka 5.1-5,10-11)

16 Lumbu kimosi Yesu bu kaba kuenda yendanga mu mbembele mbu wu Ngalili, wumona Simoni ayi khombꞌandi Andele banloza dikondi mu mbu, bila baba banlobi mbizi.

17 Yesu wuba kamba :

—Ndandakananu ayi ndiela kulukitula minlobi mi batu.

18 Muna thangu beni, basia bika makondi mawu ayi banlandakana. 19 Buela kuesa fioti ; wumona zaki muana Zebede ayi khombꞌandi Yowani ; balembo londi makondi mu khati nlungu. 20 Vana vawu wuba tela. Basia bika dise diawu Zebede ayi bisadi biandi muna nlungu ; banlandakana.

Yesu wukuka ziphevi zimbimbi

21 Bayenda ku Kafalinawumi. Lumbu ki saba ^{▼▼Lumbu ki saba : tala Matayi 12.1} bu kifuana, Yesu wukota mu nzo lukutukunu ayi wutona longa. 22 Basimina mu diambu di malongi mandi. Bila wuba longila mu lulendo vayi bika banga minlongi mi mina. 23 Muna nzo lukutukunu muba mutu wumosi wuba pheve yimbimbi, wutona yamikina :

24 —A ! Yesu muisi Nazaleti, mbi mambu tuidi beto yaku e ? Wizidi mu kutubunga e ? Minu ndizebi, ngeyo widi nani : widi mutu wunlongo wu Nzambi.

25 Yesu wutemina pheve yimbimbi ayi wuntumina :

—Bika biyoko, totuka mu mutu wawu !

26 Pheve yimbimbi yitukumuna mutu beni, yiyamikina mu mbembo yingolobosi yitotuka.

27 Babo basimina ayi baba kukiyuvula bawu na bawu :

—A ! Diambu mbi diadi e ? Talanu ndongolo yimona yinlongolo mu lulendo. Niandi wuntumina ziphevi zimbimbi ayi ziphevi beni zikuntumukina.

28 Buna tsanguꞌandi yitembakana mu zunga kioso ki Ngalili.

Yesu wubelusa bambevo bawombo

(Matayi 8.14-15 ; Luka 4.38-39)

29 Muna thangu yina kaka, buna batumbu totuka mu nzo lukutukunu. Yesu, Zaki ayi Yowani bayenda ku nzo Simoni ayi Andele. 30 Nzitu wu Simoni wu nketo wuba wuleka va mbuka bila zinzangala ziba yandi. Yesu buna katumbu kota ; bankamba tsangu mu diambu diandi. 31 Bu kafikama, wunsimba mu koko, wuntelimisa. Zinzangala zimana, bosi weka kuba sadila.

(Matayi 4.24 ; 8.16-17 ; Luka 4.40-41)

32 Mu masika, thangu bu yidiama, bannatina bambevo zioso ayi batu bobo baba ziphevi zimbimbi. 33 Batu boso ba divula bakutakana va muelo nzo. Simoni ayi Andele. 34 Wubelusa batu bawombo baba bimbevo bi phila mu phila ayi wukukaziphevi ziwombo zimbimbi ayi wuzikandika zibika yoluka bila zizaba Yesu niandi nani.

(Luka 4.42-44)

35 Mu nsuka buna kukidi tombo fioti, Yesu wukotuka ayi wutotuka ku nganda, wuyenda ku buangu kisuama mu diambu di sambila.

36 Simoni ayi batu bobo baba yandi bantomba. 37 Buna bambakula, bankamba :

—Batu boso ngeyo bantomba !

38 Vayi wuba vutudila :

—Tuendanu kueto ku buangu kinkaka, mu mala momo mafikimini. Mfueti longa mu mala beni, bila diawu ndiyizila !

39 Buna wulonga mu zinzo ziawu zi zikhutukunu mu Ngalili dioso ayi wukuka ziphevi zimbimbi.

40 Mutu wumosi wuba buazi wuyiza fukimina Yesu ayi wunkamba :

—Enati tidi, beki kuaku bu kumbelusa.

41 Yesu wummona kiadi, wunonuna koko, wunsimba ayi wunkamba :

—Nyinga thidi, beluka kuaku !

42 Vana vawu buazi bubotukidi, mu mutu beni, wutumbu beluka.

43 Yesu wumvutula ku nzo andi bu kanlubula ti :

44 —Keba, kadi kamba kadi mutu wumosi mambu mama vayi yenda kimonisa kuidi nganga Nzambi ayi yenda tambika makaba momo Moyize kavanina lutumunumu diambu di kiba kimbangi kuidi bawu ti ngeyo belukidi.

45 Vayi buna katumbu totuka ; wutona yamikisa kuidi batu bosomambu moso mavangama mu niandi ayi wutembikisa tsangu beni mumo. Mu bila kioki yesu kakadila mu bibuangu bisuama. Vayi batu baba mu zindambu zioso baba kuizanga kuidi niandi.